عدنا بعد انقطاع واعتذر لكم لانقطاعي الطويل
صدك تقبل حبيبي لغيري هسة تصير
وصدك مليت مني وبعد متحبني
وصدك هانت عليك سنينه الحلوات
وما هانت عليك شلون تتركني
ومن يمته المذاهب نحسبلهة حساب
ومن يمته الطوائف جانت تهمني
اني لمن عشكتك ماسالت الناس
ولا جنت ادري اصلك شيعي لو سني
وك شجاك تغيرت وبكلبك انته شصار
جنت تموت بيه وجنت تحبني
وجنت اتنفسك وانته الهوى بدنياي
وجنت لو تبتعد لحظات تخنكني
معقوله الورد ينكر جميل الماي؟؟
وانته بهلسهولة تنازلت عني
ما انكر مقصر جنت فترة وياك
لاكن مو بديه الوكت يجبرني
شفت يمك نفط وبين اديك الماي
واني بناري اشتعل ردتك تخلصني
لكيتك بالعكس مايك شمرته بعيد
وجبت النفط بيدك حتى تحركني
شسولف بعد طعم السوالف راح
ردت منك توافي وخيبت ظني
ادري الوكت هوة الخله كلبك هيج
وادري الطائفيه الباكتك مني
بس قبل لاتبتعد
عندي سؤال ارجوك
فكر ويه نفسك عود جاوبني
باجر لو متت وتشوفني بتابوت
هم تبجي علية وبعد تذكرني؟؟
موضوع: خيانة حبيبه 
الأربعاء يناير 28, 2009 10:45 pm
